سوق مزادتجميعة PC كاملة مع شاشة 200Hz وسيت أب احترافي - RTX 5060 Ti 16GB + Ryz
الوصف
بسم الله الرحمن الرحيم {وَلَا تَبْخَسُوا النَّاسَ أَشْيَاءَهُمْ} دي تجميعة الكمبيوتر بتاعتي، وسبب البيع إني مشغول بدراستي وشغلي، وكمان معظم الوقت بكون خارج مصر، فمش بستخدم الجهاز بالشكل اللي يستاهله. استخدام الجهاز كان لفترة بسيطة جدًا، وحالته ممتازة ويعتبر جديد. القطع الأساسية في التجميعة جايّة من أمريكا، وفيها مكونات مش متوفرة بشكل معتاد في السوق المصري حاليًا، تحديدًا الـ Ryzen 5 7600X3D، والـ TUF Gaming B650E-E WiFi مش من الموديلات اللي هتلاقيها بسهولة في كل مكان. وبخصوص السعر، حابب أوضح نقطة عشان ميبقاش فيه سوء فهم. أنا عملت بحث على أسعار السوق المصري حاليا، وحسبت قيمة الجهاز بطريقة محافظة وبمتوسط أسعار معقول للقطع، مش باختيار أغلى الأسعار الموجودة. وبالحسبة دي، لو حبيت تجمع نفس الجهاز المستوى والمواصفات وهو جديد في السوق المصري حاليًا بتوصل لحوالي 100 ألف جنيه تقريبًا. ومع ذلك، أنا مسعّر الجهاز بـ 85 ألف جنيه فقط، يعني عامل فرق حوالي 15 ألف جنيه عن تكلفة جهاز جديد لمجرد إنه مستخدم، رغم إن استخدامه كان بسيط جدًا وحالته ممتازة. وبرضه للتوضيح، أنا مش مضاف على سعر الجهاز أي تكاليف شحن أو جمارك أو ضرائب اتدفعت على القطع اللي جايّة من أمريكا. التكاليف دي كانت عليّا أنا، ومش شايف إن من العدل أحملها للمشتري. السعر المعروض مبني على قيمة القطع في السوق المصري، مش على تكلفة استيرادها. وكمان للتوضيح، أنا مش بوصف أي قطعة إنها "نادرة" أو "Exotic" لمجرد تبرير السعر. الـ Ryzen 5 7600X3D غير متوفر بشكل معتاد في السوق المصري حاليًا، والـ TUF Gaming B650E-E WiFi مش من الموديلات المتوفرة بسهولة في كل مكان. دي مجرد معلومة عن توفر المكونات، مش محاولة لتضخيم قيمتها. سعر الكيسة كاملة: 85,000 جنيه سعر التجميعة كاملة بالشاشة والماوس والكيبورد: 95,000 جنيه والسعر مبدئي وقابل لفصال بسيط في حدود المعقول، والأولوية للي ياخد التجميعة كاملة أو الكيسة كاملة، لكن مفيش مانع من بيع القطع منفصلة لو اتفقنا على الأسعار. أسعار المكونات: GPU: ASUS Prime RTX 5060 Ti 16GB — 34,000 جنيه CPU: Ryzen 5 7600X3D — 16,000 جنيه RAM: 32GB (2×16GB) DDR5 6000MHz CL36 — 20,000 جنيه Motherboard: ASUS TUF Gaming B650E-E WiFi — 8,000 جنيه Case + PSU: Xigmatek Blast ARGB + Asgard 750W 80+ Bronze — 3,000 جنيه SSD: WD Green SN3000 500GB M. 2 NVMe — 2,000 جنيه CPU Cooler: Cougar Forza 85 Essential — 1,000 جنيه الشاشة والملحقات: Monitor: Gigabyte GS25F2 — 24.5", 200Hz, 1ms, FHD, SS IPS, HDR10 Mouse: Attack Shark X6 Keyboard: MAD68HE Black أنا أفضل البيع كـ تجميعة كاملة أو الكيسة كاملة، لكن مفيش مانع من بيع القطع منفصلة لو اتفقنا على الأسعار. الجهاز متاح للمعاينة والتجربة قبل الشراء. في النهاية، أنا متفهم إن كل شخص له ميزانيته وتقييمه للسعر، واللي شايف إن فيه بديل أفضل بالسعر ده من حقه طبعًا يختار البديل. كل اللي بطلبه إن المقارنة تكون على أسعار حالية فعلية ومكونات فعلية، مش على أسعار قديمة أو منتجات غير متوفرة حاليًا. وشكرًا لكل حد اهتم أو سأل أو قدّم رأيه باحترام